Rumeli Vâlîsi nasb olunan Mehmed Paşa'ya İbrâ'îl cânibi Ser‘askerliği tefvîz olunup, me'mûr-ı maʻiyyeti olan ecnâd ile karşu tarafa murûr ve Tuna Kapudanı olan Vezîr Ahmed Paşa'nın umûruna medâr-ı mülâhaza olunan Silistre Eyâleti tevcîh olunup, bu vech ile hâtırı mecbûr ve selefi Vezîr Halîl Paşa Kocaeli Sancağı'yla nâyil-i sürür ve sabıkā Maçin Ser‘askeri Vezîr Hasan Paşa Sivas Eyâleti ile cezlân ve cevâyiz ü mübaşiriyye vü ihbâriyyeleri bi'l-külliyye ihsân olunup, Cebeciler Kâtibi olan Mükellef-zâde Mustafâ Bey'in Maçin vakʻasında kemâl-i gayreti menkūl ve nezd-i Sadrıaʻzamî'de tavr u reftârı makbûl olmakdan nâşî hıdemât-ı Bâb-ı ʻalî'de istihdâm olunması menvî-yi hâtır ve bu hılâlde İbrâhîm Efendi Kitâbet'den ʻazl olunup, Kethudâ Kitâbeti'yle mîr-i mûmâ ileyh mükteseb-i hazz-ı vâfir ve üzerinde olan Cebeciler Kitâbeti'ne maʻzûl-ı merkūm zâfir oldu.