Anapa Kalası'nı a‘dâ-yı dîn zabt ve etrâfa ilkā-yı fesâd u habt eylediği bâlâda rişte-i tahrîr-i rabt olunmuşidi. Mülâbese ile Anadolu'da vâki‘ sevâhil-i Bahr-ı siyah'a i‘tâ-yı takviyye vü istihkâm min-ehemmi'l-mehâmm olup, binâ’en-‘alâ-zâlik Mîr-i mîrân'dan Kuğu-zâde Süleymân Paşa'ya der-‘akab Eyâlet-i Trabzon ve Battâl Paşa-zâde Hayreddin [107a] Bey'e rütbe-i Mîr-i mîrânî ve Van Muhafızı Ahmed Paşa'ya câh-ı vâlâ-yı vezâret ihsân ve kalem-rev-i hükümetleri olan emâkin ü bikāʻı mekâyid-i düşmen-i muʻânidden teʼmîn eylemeleriyçün taraflarına hitâben ısdâr-ı fermân olunundu.