Nemçelü musâlahaya rağbet eyledi ise dahi müttefiki olan Rûsiyyelü'nun maslahatına muvâfık olan vaz‘-ı hareketin icrâsında kusûr etmedi. [63b] Zîrâ emr-i mütâreke, iki asker bulundukları mahallerde ikāmet ve ‘adem-i tecavüz ü teʻaddîden 'ibâret olup, tesvîye vü tanzîmi tûl-i vakt ü zemâna mütevakkıf olmadığı zâhirdir. Otuz kırk gün mikdârı mâddeyi tatvîl ve mücerrebleri olan ‘askerin ‘avdet ve fütûrları vakti tahsîl ve ‘asâkir-i İslâmiyye'ye reh-râst u suhûleti müteʻayyin olan tarîki senede idhâl ile cihât-ı baʻîdeden Devlet-i ‘aliyye ‘askerini hareket ü itʻâba ilcâ ve vakt ü zemân-ı ceng inkızâsına ‘illet ve te’hîr-i maslahat-ı devlet eyleyerek sûret-i uhrâ ile mecbûl oldukları hıyâneti icrâ eylediler.