Bâlâda tahrîr olunduğu üzere çünki taʻyîn-i meştâ Ordu-yi hümâyûn'da karâr-gîr-i ehl-i ârâ olmayup, Âsitâne tarafına inhâ olunmuşidi. [Mısra]: Ve sahibü'd-dâri üdri bi'l-lefî fî-hâ mefhûmu üzere tahsîs-i meștâ ordu halkının re'yine havâle ve herkes re'yini bir tarafa imâle ile kimi Edirne'yi ve kimi Rusçuğ'u istihsân ve her birinde birer gûne hücnet olduğu güzârende-i zebân-ı beyân kılınup, bilâhare Şumnu kasabasının min-külli'l-vücûh meştâya salâhiyyeti yâd olunup, efrâd-ı ricâl ve âhâd-1 nâsa taʻyîn-i makām u mekân olundu. İstikrâr-ı meştâdan üç gün sonra kî, Saferü'l-hayr'ın yigirmi üçüncü günüdür, sukût-ı selc ile sahîfe-i zemîn müşâbih-i külçe-i sîm ve hubûb-ı bâd-ı muhâlif ile kıtaʻât-ı hıyâm [Mısra]: Ke-rîşetin bi-mehebbi rîhinsâkı tatin medlûlune müşârik ü sehîm olmuşidi. Sahrâda ikāmetin imkânı olmayup, hemân yevm-i mezkûrda bi'l-cümle Ordu-yi hümâyûn halkı Şumnu'ya duhûl ve taʻyîn olunan konaklara nüzûl eylediler.