Kalʻa-i mezkûre husûn-ı menîʻadan olup, aʻdâ zuhûrunda İsmaʻîl ordusundan ve deryâ tarafından imdâd olunmak kābil iken, düşmen görüldüğü gibi muhafızı olan Tayfûr Paşa'ya ehâlî gelüp, kıllet-i zehâyir ü ‘asâkiri ‘illet eyleyerek teslîm-i kalʻayı teklîf ü ibrâm ve ol dahi baʻzı makālât-ı hakîmâne ile halkı ilzâm edemeyüp, bî-ceng ü cidâl böyle bir maʻkıl-ı metîni müsellem-i eyâdî-yi ehl-i küfr ü dalâlet eyledikleri haberi İsmaʻîl Ser‘askeri Cezayirli Hasan Paşa tarafından Ordu-yi hümâyûn'a vâsıl olup, [44a] gayret-keşân-ı devlet ü dîn bilâ-sebeb-i mine'l-esbâb teslîm-i kalada medhali olanları müstehakk-ı düşnâm ü nefrîn eylediler.