Yağkapanı sâhilinde Françe tüccârından bir kimesnenin tuz ile memlû sefînesinden leylen âteş zuhûr ve birkaç gün mukaddem [41b] Karadeniz seferinden ʻavdet eden sefâyin-i Donanma-yi hümâyûn o havâlîde olduğuna binâ'en, zâbitân u ru'esâ-yı bî-'akl ü şuʻûr edüp, derhâl Kapudan Paşa vesâyir itfâ-yı nâra meʼmûr olanlar sefîne-i muhterikayı rubûde-i çengâl-i zûr-mendî vü kuvvet ve merbût-i hablü'l-metîn himmet edüp, Sarayburnu önünden ötelere doğru çeküb götürmeleriyle ‘avn-i Bârî ve destyârî-yi teveccüh-i hazret-i Şehriyârî'yle ber-vech-i suhûlet bu beliyye-i 'uzmâ mündefi olup, ‘ale'l-husûs Galata önünde barût ile memlû İngilizlü'nün bir kıta sefînesi olup, ednâ-yı şerâra isâbeti ile zebâne-keş-i işti‘âl olacağı zâhir ü celî ve etrâfa ‘azîm hasâret edeceği gayr-i hafî iken hayrü'l-hâfazayn olan Mevlâ-yı Müsteʻân bu musîbeti dahi izâle ile ümmet-i Muhammed'i mesrûr u șâdân eyledi.