Mûmâ ileyhin bir müddet Bostâncı-başılık'da kasr-ı şîrîn-i âmâli dest-yârî-yi kûh-ken-i ikbâl ile müşeyyed ü üstüvâr ve ibtilâ‘-1 hubb-i mugbir-i zevk ü şevk ile havsala-i iʻtibârı mâl-â-mâl-i ahad-ı ma‘kūlât-mesârr olmuşidi. ‘Âlem-i hâdisât nesak-ı ahad üzere müstekarr olmayup, tebdîlât ü tegayyürât hâssa-i lâzıme-i dehr-i bukelemûn ve terakkiyât ü tenezzülât muktezâ-yı gerdiş-i gerdûn olduğuna binâ'en, nâ-gâh lûle-i [40a] rüst-a-hîz eser-i ‘azl-i bî-hengâm ile telh-kâm-ı ser-fürû-bürde-i zânû-yi hayâlât ü evhâm olmuş iken, ağayân-ı Enderûn ile hüsn-i sülûk u muʻâșereti ve hidmetinde ‘adem-i kusûr u rehâveti bâʻis-i tulû‘-1 tebâşîr-i rıfati olup, fi'l-hâl Kapucu-başılık ile bekâm ve birkaç günden sonra münharıt-ı ‘akdü'l-le’âl-i vüzerâ-yı ‘izâm olup, Rumeli Sürücülüğü ‘unvânıyla Asitâne-i Devlet-i âșiyâne'den hareket ve cânib-i maksûda teveccüh ü ‘azîmet eyledi.