Rikâbdârlık hıdmetiyle ser-iftihârî-yi müvâzî-yi fark-ı Ferkadân olan Rodosî Ahmed Ağa, Enderûn-ı hümâyûn'da tasarrufât-ı ʻakliyye ile hâline nizâm ve râdde-i îrâdını itmâm edüp, işbu Muharrem'in sekizinci günü mütekāʻiden tebdîl-i makām ve Baş-çukadar olup, hüsn-i sülük ve zîndegânisi âfâk-gîr-i iştihâr olan ʻAbdullah Ağa Rikâbdârlık ile bekâm olup, münhall olan [39a] Baş-çukadârlık hıdmetiyle fî-haddi zâtihî nazar u iltifât-ı Mülûkâne'ye sezâvâr ve mehâyil-i rüşdü istiʻdâd nâsıye-i hâlinde bedîdâr olan Mâbeynci Hüseyin Ağa nâyil-i mesârr olup, bir gün sonra Silahdâr-ı hazret-i Şehriyârî olan Yahyâ Ağa mütekāʻiden maʻzûl ve hıdmet-i şerîfe-i Silahdârî ile bir gün mukaddem Rikâbdâr olan müşârun ileyh ʻAbdullah Ağa nâyil-i eʻazz-i me'mûl olup, Rikâbdârlık ile Behzâd-zâde'nin reşk-nigâr-ı hâne-i çîn olan resm-i ikbâli safha-i vukūʻda tasvîr ve münhall olan Dül-bend Ağalığı'yla, Ağa'nın re'sü'l-mâl-i ibtihâcı tevfîr olundu.