Fokşan Ordusu'nun lahm taʻyînâtını vermek içün Kassâb-başı tarafından bir muʻtemed âdem taʻyîni irâde olunup, hattâ Ordu-yi hümâyûn hazînesinden bu mâdde içün vâfir akçe dahî verilmişidi. Merkūm tekrâr bir mikdâr nakid verilmesine medâr olur tamaʻına düşüp, le-‘allâ ve ʻasâ ile imrâr-ı subh u mesâ ve âdem irsâlinden ibâ edüp, bu keşmekeşde iken Fokşan keyfiyyeti dahî vukūʻ bulmağla hakkında âteş-gîn-i [32a] Sadr-ı bâhirü't-tekmîn zebâne-keş-i istiʻâl olup, Dergâh-ı ʻâlî kapucu-başılarından Selanikî Mustafâ Bey merkūma câ-nişîn ü rü’yet hesabına âdem taʻyîn olunduğundan fazla, bi'l-cümle emvâl ü eşyâsı kabz olunup, Baş-bâkī Kulu mahbesinde mukayyed-i dû-şâhe-i feryâd ü enîn oldu.