Hekîm-başı olan Gevrek-zâde Hasan Efendi işbu Zilka‘de evâsıtında nâyil-i rütbe-i Mevleviyyet ve mevâlî vü kudât bi'l-fi‘l mansıblarını zabt ile icrâ-yı hükûmet etmek, bu esnâda râbıta-gîr-i karâr olan Nizâm-ı Cedîd fürû‘âtından olduğuna binâ’en, mansıbı olan Halebü'ş-şehbâ'ya ‘azîmet ve kemâl-i ‘iffet ü nezâhet ile ahkâm-ı İlahiyye'yi icrâya mübâderet eylemesi bâbında irâde-i ‘aliyye cereyân ve bu cihetle Hekîm-başılık hıdmet-i lâzımesinin hulüvvü nümâyân olmağla, müderrisîn-i kirâmdan ve Serây-ı hümâyûn hekîmlerinden olup, fenn-i tabâbetde mâhir ve akrânı beyninde hazâkati zâhir olan Mehmed Sâdık Efendi'ye Hâssa Hekîm-başılığı tevcîh ü ihsân olundu.