Bu esnâda Şeremetoğlu Mehmed Kapudan vilâyeti olan Girid cezîresinden sabun ile memlû bir kıtʻa burgundi ile gelür iken Malta korsanlarına tesâdüf edüp, üç beş sâʻat müdâfaʻaya ibtidâr ve miyâne-i süfün-i aʻdâdan emn ü sâlim, tahlîs-i nefs ü mâl eylediği sâmi‘a-res-i Hüdâvend-i kâm-rân olup, bu makūle gavta-hârân-ı bihâr-ı dilâverî vü şecâ‘ate iltifât ü ihsân, bâ‘is-i cûşiş-i lücce-i fütüvvet-akrân olacağı bî-reyb ü gümân olmağla derhâl Kapudân-ı merkūm huzûr-ı Kāyim-makāmî'ye ihzâr ve hilʻat ü nevâzişe sezâvâr görüldükden başka, Karadeniz'de olan Donanma-yi hümâyûn'a iltihâkı emr u fermân olundu.