Vezîr-i aʻzam ve Serdâr-ı ekrem olan Hasan Paşa hazretleri meştâ-yı Rusçuğ'a mütekārib olduğu agleb-i ihtimâl beyne'n-nâs şânını tevkīr ü iʻzâm ve sefere dâyir baʻzı vesâyâ-yı lâzımeyi ifhâm içün teşrîfât ve hatt-ı hümâyûn ile müteʻayyinân-ı Devlet-i ʻaliyye'den biri meʼmûr olmak, muvâfık-ı vakt ü hâl ve belki resm-i dîrîn-i Devlet-ebed ittisâl olmağla hâlâ Mîrâhûr-ı Evvel-i hazret-i Şehriyârî olan Mehmed Ağa'nın bu hıdmete taʻyîn olunması istisvâb olunup, mûmâ ileyh ile istiklâli hâvî bir kıtʻa hatt-ı hümâyûn [19b] ve ser-â-sere dûhte bir sevb-i semmûr-ı meserret-efzûn ve bir kıtʻa mücevher şemşîr baʻs ü tesyîr olundu.