İşbu şehr-i Ramazân'ın on dördüncü günü huzûru muʻtâd olan ʻulemâ-yı dîn ve sâyir erkân-ı devlet-i ebed-karîn, Serây-ı hümâyûn'a daʻvet ü ziyâret-i Hırka-i şerîfe-i ‘alâ-sâhibihâ efdalü't-tahâyâ ile nâyil-i ʻizzet-i dünyâ vü âhiret olup, Hân-ı vesîʻü'-nevâl-i Mülûkâne'den Ocağlu'ya beher sâl taksîm ü iʻtâsı muʻtâd olan baklava dahi yevm-i mezkûrda tevzîʻ ve ferdâsı bir kıst mevâcibleri ihrâcıyla dâyire-i maʻîşetleri tevsîʻ olundu.