Cezâyirli Hasan Paşa bu vakʻayı Ordu'ya tahrîr eder iken sâdıku'l-kavl bir şahıs zikrolunan tahrîrâtı görüp, me’âlinde itmâmı irâde buyurulan cedîd sefînenin bir ân akdem deryâya indirilmesi matlûb-ı Hümâyûn olup, Tersâne Emîni'ne birkaç defʻa tenbîh olunmuşiken ʻameleye ücret vermemek taksîriyle sefînenin karîbü'l-ʻahde tekmîl inşâsı mümkin olmayup, emedd-i baʻîde mevkūf olduğun şevketlü Pâdişâhımız idrâk buyurup, hemân Tersâne'ye teşrîf ve taht-ı hümâyûn olan sefîneye çıkup, Emîn-i mezkûru ihzâr ve gerdenine havâle-i tîg-i âteş-bâr eyledi. Sûreti derc olunmuş zuhûr-ı şu’ûnât-ı kevniyye birer sebebe müstenid olduğu hasebiyle müşârun ileyh merkūmun iʻdâm olunmasını kusûr-ı nazar u istidlâl ile bu keyfiyyete binâ etmiş, lâkin izmihlâllerine bâlâda sebeb tafsîl olunduğu vücûh-ı ʻadîde olup, baʻzı esbâb-ı hafiyye dahi var ise zâhir-i bünyân-ı ʻavâmdan mestûr olup, havâss-ı nâsa maʻlûmdur.