Mûmâ ileyh bir müddetden berü menâsıb-ı müntefiʻa-i Devlet-i ʻaliyye'de devr eyleyerek iktinâ-yı emvâl ve şiddet-i tekarrüb ile tanzîm-i şevârid-i ahvâl edüp, bu esnâda necm-i ikbâli hâbıt ve kevkeb-i bahtı sâkıt olup, ʻazl-i mücerred ile tenkîb ve sâbıkā Şehremîni olan Seyyid Mehmed Efendi Vekâlet-i Muhâsebe-i Anadolu ile tatyîb olundu. Maʻzûl-ı mûmâ ileyhin umûr-ı gayr-i me’mûresinde tecânüf ü tebâʻüd üzere hareketi hakkında vukūʻu muhtemel ü muhayyel olan baʻzı mehlekeden reh-yâb-ı selâmet olmasının sebeb ü ʻilleti oldu. Rahimallâhu emrü ve a‘rafe gadrehû ve lem ya‘tedde tavrahû. Hattâ bu hâlet mûmâ ileyhe medâr-ı teveccüh-i veliyy-i Devlet olup, bir müddet mürûrunda mübâyaʻât mübâşirlerine nâzır-ı müstakill nasb olunup, izhâr-ı mâye-i sadâkat ve sedd-i ebvâb-ı hıyânet [11b] eder iken hulûl-i ecel-i mevʻûdiyle fevt ve lebbeyk-zen-i nidâ-yı "Küllü nefsin zâyikatü'l-mevt" oldu.