Mûmâ ileyhimânın Ordu-yi hümâyûn'dan Âsitâne-i saʻâdet'e gelmeleriyçün Kāyim-makām Paşa tarafından cânib-i Sadrıaʻzamî'ye bâ-irâde tahrîrât gönderilmişidi. Yek-dîgere müteʻâkib vâsıl-ı dergâh-ı Pâdişâh-ı vâlâ-menâkıb olduklarında ʻAbdurrahmân Beyefendi'ye Şehr-emâneti Kapucu-başılık ile tevcîh olunup, Râtib Efendi dahi Büyük Tezkîrecilik vekâletiyle işgāl ve selefi ʻÖmer Sâhib Efendi zâyik-i merâdet-i infisâl oldu.