Ezmân-ı sâbıkada mülûk ü selâtîn-i ʻizâm hazerâtı tekallüd-i seyf ʻakabinde edâ-yı salât-ı Cumʻa'yı iʻtiyâd ve kable't-tekallüd debdebe-i Mülûkâne ile bir mahalle ʻazîmeti istibʻâd ederler idi. Taklîd-i seyf olunmazdan mukaddem yevm-i mübârek-i Cumʻa kudûm edüp, kâffe-i nâs te’hîr-i salât-ı Cumʻa'da yek-sâk-ı vifâk iken Pâdişâh-ı takvâ-penâh e‘azzellahu ve kuvvahü hazretleri emr-i Hudâvend-i lâ-yezâlî âʻrâs-ı zâyileye takdîm ve mahzâ şeʻâyir-i İslâmiyye'yi taʻzîm niyyet-i hâlisesiyle Ayasofya Câmiʻi'nde ferîza-yı Cumʻa'yı edâ ve cemâl-i bâ-kemâlleri rü’yetine dîde-güşâ-yı iştiyâk olan nüfûs-ı kesîre ve halâyık-ı vefîreyi tahrîk-i ebrû-yı iltifâtlarıyla hâyiz-i rehîne-yi mekāsıd u münâ buyurdular.