Françe miʿmârlarından nâm miʿmâr maʿrifetiyle iki-üç seneden berü iʿmâl olunan ellidokuz zirâʿ sefîne itmâm olunduğuna binâen işbu Şabân-ı şerîfin onüçüncü çarşamba günü pâdişâh-ı deryâ-nevâl enâlehû Allah el-zafere ve'l-iclâl hazretleri Tersâne-i âmire'ye şeref-endâz-ı kudûm olup sadrıazam-ı bülend-makām ve şeyhülislâm ve sâir huzûrları muʿtâd olan ricâl-i (307-a) devlet hâzır oldukları hâlde sefîne-i mezkûre alâ-vechi's-suhûlet deryâya nüzûl etdirilüp miʿmâr-ı mesfûr düvel-i uhrâdan olduğu hasebiyle kakum kürk ilbâsiyle mesrûr kılındı. Müceddeden inşâ olunan kalyonlara tefe'ül bi'l-hayr maʿrazında birer isim vazʿı muʿtâd olmağla karîha-i sabîha-i cihândârîden zikr olunan kalyon «Mukaddime-i zafer» ismiyle tesmiye olundu.