Şâvî-zâde Süleyman Bey'in isyânı hasebiyle hâric ve dâhil Bağdad'da baʿzı güft-gû hâdis ve bu hâlet Bağdad vâlisinin fütûr-ı himmetine bâ'is olup Devlet-i aliyye'den bir nev'i iltifât ve bir müteʿayyin kapucu-başı ile irsâl-i teşrîfât müşârün-ileyhin himmet-i sâlifesini tecdîd ve beyne'l-ahâli vakʿ u iʿtibârını mezîd eyleyeceği zâhir olduğuna binâen hâlâ silâhdar ağası olup bir müddetden berü rikâb-ı hümâyûnda hidemât-ı cesîmede müstahdem olan Şehsuvar-zâde Hamdullah Bey-efendi teşrîfât-ı seniyye (306-b) ve iltifât-ı mülûkiyye ile Bağdad cânibine eğerçi taʿyîn olunup mansıbı olan silâhdar ağalığı Vâlide Kethüdâsı-zâde Kapucu-başı Ahmed Ağa'ya şehr-i mezkûrun yirmialtıncı salı günü tevcîh olunmuşidi. Ancak mîr-i mûmâ-ileyh hasta bulunup harekete mecâli olmadığı mütehakkık olduğundan me'mûriyyeti sarf ve Dârendeli hafîdi kapucu-başı Ahmed Bey mîr-i mûmâ-ileyhe bedel cânib-i Bağdad'a me'mûr kılındı.