Bu esnâda ulemâ-i kirâm haklarında bahr-i zehhâr-ı inâyet-i pâdişâhî mevc-endâz-ı zuhûr olmakdan nâşî gurre-i Zilka'deden Yahyâ Tevfîk Efendi'ye ve hâmis-i şehirden nakībü'l-eşrâf Kâmil Ahmed Efendi'ye ve âşir-i şehirden hâlâ İstanbul kādısı Âşir Mustafa Efendi'ye sadâret-i Anadolu pâyeleri ihsân olunup İstanbul kādısı efendinin es'âr husûsunda ser-zede-i zuhûr olan kemâl-i gayret ve iffeti ve erbâb-ı ihtikârdan arz olunan berâtîle adem-i meyli (282-a) ü rağbeti bâ'is-i imtiyâz ve rüchâniyyeti olduğundan gayri meded-kârî-i sadr-ı azîmü'l-kadr ile es'ârı tenzîl ve şehriyâr-ı adâlet-âsâra fukarâ ve zu'afâdan isticlâb-ı du'â-yı cezîl eyledi.