Sâbıkā tersâne emîni olan Mehmed Bey-efendi'nin asâlet ve arakati bedîdâr ve hüsn-i hulk ve seciyyeti maʿlûm-ı sıgār u kibâr olduğundan gayri birkaç seneden berü umûr-ı muʿazzama-i Devlet-i aliyye'de izhâr-ı mâ-hasal-ı kudret ve rütbe-i vâlâ-yı vezârete tahsîl-i istiʿdâd ve liyâkat eylediğine binâen hakkında âfitâb-ı âlem-tâb-ı mülûkâne lemʿa-rîz-i zuhûr ve işbu Şevvâli'l-mükerremin onikinci ahad günü süllem-i vezârete suʿûd ile nâil-i etemm-i sürûr olup tîz elden Hanya mansıbı dahi tevcîh ve ihsân ve selefi silâhdar Emin Paşa dahi Niğde sancağıyla cezlân kılındı.