Dergâh-ı âlî yeniçeriler ağası olan Yusuf Ağa'nın belâdet ve rehâveti ve zabt u rabt husûsunda zâhir ve müstebân olan adem-i ihtimâm ve gayreti bâ'is-i idbâr ve nekbeti olduğuna binâen mâh-ı mezkûrun onaltıncı günü ağalıkdan azl olunup kul kethüdâsı olan Hasan Ağa yeniçeri ağalığiyle nâ'il-i murâd-ı mâ-fî'l-fu'âd ve bu sebeble ricâl-i Ocak-ı âmire miyânında silsile vâki' olup âdetleri üzere kesb-i derecât ve ihrâz-ı i'tibârât ile dil-şâd oldular.