Yevm-i mezkûrda vüzerâ-yı izâm hazerâtının dahi tevcîhâtı olup Rumeli Eyâleti Sofya seraskerliği inzimâmıyla sâbıkā Vidin muhâfızı Vezîr Ebubekir Paşa'ya ve Karaman Eyâleti sâbıkā Diyarbekir vâlisi Vezîr Mikdâd Ahmed Paşa'ya ve Sivas Eyâleti sâbıkā Rumeli vâlisi Vezîr Güğeği Abdi Paşa'ya ve Rakka Eyâleti Ereğlili Vezîr Halîl Paşa'ya ve Trabzon Eyâleti ber-vech-i ilhâk Erzurum vâlisi Vezîr Battal Hüseyin Paşa'ya ve eyâlet-i Van sâbıkā Karaman vâlisi Vezîr Timur Paşa'ya ve Yanya Sancağı Varna muhâfazası şartiyle Vezîr Moravî Ahmed Paşa'ya ve Ohrî Sancağı Özi muhâfızı Vezîr Çerkes Hasan Paşa'ya, Selânik Sancağı sâbıkā Eğriboz muhâfızı Vezîr Silâhdar Mustafa Paşa'ya ve Eğriboz Vezîr Silâhdar Seyyid Halîl Paşa'ya Hotin Sancağı sâbıkā Kırşehri mutasarrıfı Osman Paşa'ya bâ-rütbe-i vezâret tevcîh ve Bender Sancağı sâbıkā Hotin muhâfızı Vezîr Mehmed Paşa ve Hanya Sancağı vezâreti ibkāsıyla Silâhdar Mehmed Emin Paşa'ya ve Alâiye Sancağı mîr-hacc-ı sâbık Vezîr Derviş Mehmed Paşa'ya (275-b) ve sâir sancaklar dahi mîrimîrân-ı kirâmdan kâr-güzârlarına tevcîh olundu.