İskenderiye mutasarrıfı olup bundan akdem refʿ-i livâ-i bagy ü şakā eden Mahmud Paşa etdiği kâr-ı nâ-savâbdan bu defʿa rücûʿ ve inâbet ve izhâr-ı nedâmet ve peşîmânî ile (264-a) dakk-ı halka-i bâb-ı şefâʿat etmekle kabûl etdiği baʿzı şurût ile cerâ'im-i sâbıkası afv olunup kemâkân İskenderiye sancağı mûmâ-ileyhe ve Ohri sancağı Ahmed Paşa'ya ve Delvine sancağı Tepedelenli Veli Paşa-zâde Ahmed Paşa'ya işbu şehr-i Recebü'l-ferdin beşinci çarşamba günü tevcîh olunup gā'ile-i mezkûre ber-taraf ve bu âteşin iştiʿâline sebeb olan kimse ise sehm-i taʿn ve levme hedef oldu.