Arpalığı olan Ankara kasabasında me'mûr-ı ikāmet olan mevlânâ-yı müşârün-ileyh Ankara'nın redâet-i âb u hevâsından şikâyet ve tûl-i ikāmet ile cism-i ʿalîline baʿzı ilel-i zâ'ide târî olacağını tahrîr ve işâret edüp izhâr-ı tazarrûʿ ve firû-tenî ve belde-i Bursa'ya nakl ve tahvîlini temennî etmekle hakkında şefekat-i mülûkâne serzede-i zuhûr ve Bursa'da ikāmeti içün bir kıt'a menşûr-ı müstevcibü's-sürûr şeref-rîz-i sudûr olduğundan gayri mahdûmları Mustafa Bey-efendi dahi mukīm olduğu İncir köyünden kalkup İstavroz'da vâkiʿ sâhilhânesinde ikāmete me'zûn ve bu vechile ol dahi mesrûr ve memnun oldu.