Eflâk voyvodası olan Mihalaki'nin vücûduna illet târî olup hidemât-ı Devlet-i aliyye'de bu hâl ile tarafından taksîr-i zarûrî vukūʿ bulacağını fikr ü mülâhaza eyleyerek bir müddetden berü giriftâr-ı çâr-ı mevce-i havf u hirâs ve kenâre-gîr-i selâmet olmak kasdiyle birkaç defʿa azlini istidʿâ ve iltimâs eylediğine binâen işbu Cumâdel-âhirenin (258-a) yedinci perşembe günü mersûm azl olunup birkaç seneden berü Donanma-yı hümâyûn tercümânlığı hizmetinde ibrâz-ı lâzıme-i sadâkat ve istikāmet eden Nikola Mavreyani yevm-i mezkûrda Eflâk voyvodası nasb olundu.