Dergâh-ı âlî kapucu başılarından Matbah-ı âmire emîni ve Beyhan Sultan kethüdâsı Arkıd-oğlu Elhâc Mehmed Ağa dârü'z-ziyâfe ezelden hissesine isâbet eden rızk-ı muʿînini itmâm ve ikbâl ve şehr-i mezkûrun yirmisekizinci salı günü dâr-ı bekāya irtihâl edüp zikr olunan Matbah-ı âmire emâneti Dergâh-ı âlî kapucu başılarından olup her hizmete elyâk ve her vazʿı mizâc-ı vakte evfâk olan kapucu kethüdâsı Yusuf Ağa'ya tevcîh ve inâyet ve sultan kethüdâlığiyle dahi Dergâh-ı âlî kapucu başılarından olup el-yevm vekîl-i hâzin-i sadâret-penâhî olan Elhâc Sâlih Ağa memnûn-ı lütf u mürüvvet kılındı.