Kapu ağası Mehmed Ağa'nın bu esnâda baʿzı hareket ve tavrı mizâc-ı hümâyûna muhâlif ve bâ-husûs mahmûl-i dûş-i iktidârı kılınan hizmet-i cesîmede meslek-i nasâfet ü i'tidâlden mütecânif olduğuna binâen işbu şehr-i Rebîül-âhirin yedinci isneyn günü mûmâ-ileyh azl olunup hânesinde ikāmeti emr ü tenbîh ve kapu ağalığı birkaç defʿa has oda başı olup beyne'n-nâs sîret-i hasene ile müştehir ve bir müddetden berü ma'zûlen Üsküdâr'da ikāmet ile zuhûr-ı lûtf-ı mevlâya muntazır olan Osman Ağa'ya tevcîh olundu.