Sâbıkā sadrıazam mektûbcusu olan Mehmed Râşid Efendi'nin an-asıl neş'eti Dîvân-ı hümâyûn kaleminden olup kesret-i istihdâm ile kalem-i mezkûrun dekāyık u hakāyıkına muttaliʿ ve tahsîl etdiği meleke ve istiʿdâd tekrâr beylikci olmasını müstelzim ve müstetbiʿ olmağla şehr-i mezkûrun yirmisekizinci sebt günü efendi-i mûmâ-ileyh hizmet-i mezkûre ile tatrîb ve selefi Abdullah Efendi kemâ-fi'l-evvel hizmet-i mektûbî ile dâ'ire-i âsafîye takrîb ve selefi İbrâhîm Efendi'nin hizmetinde kusûru olmadığına binâen me'yûs ve mahrûm inʿizâl ü infisâli revâ görülmeyüp muvakkaten silâhdâr kitâbeti tevcîhi ile mûmâ-ileyh tatyîb olundu.