İşbu Saferü'l-hayrın onaltıncı yevm-i isneyn mîr-hac Vezîr Cezzâr Ahmed Paşa'nın baş çukadarı Âsitâne-i saʿâdet'e beşâret-resân-ı vürûd olup hâmil olduğu tahrîrât kāfile-i hüccâc-ı hidâyet-minhâcın refâh-ı hâl ve âsâyiş-i bâl ile iskāt-ı farîza-i hac eylediklerini mutazammın ve cerde başbuğunun vakt ü zamâniyle müstevfî asâkir ve bâliğan-mâ-belag zehâir ile hüccâc-ı bâhirü'l-ibtihâca ilhâkını mübeyyin olup leyl ü nehâr işbu haber-i meserret-eser vürûduna derîçe-bâz-ı (234-b) intizâr olan fırka-i nâciye-i islâm nâil-i inbisât-ı tâm oldu.