Teşrîfatcı Na'im Mehmed Efendi ile telhîsci Mustafa Ağa me'âlinden gaflet ile bâb-ı rîşâyı küşâd etdikleri sâmi'a-zed-i pâdişâh-ı adâlet-mu'tâd olmakdan nâşî şehr-i mezkûrun yirmibirinci perşembe günü mûmâ-ileyhimâ azl olunup teşrîfatcılık muvakkaten topcular kâtibi Halîmî dâmâdı Şehrî Mehmed Efendi'ye ve telhîscilik gedüklüyân mehteri Veli Ağa'ya ve münhal olan topcular kitâbeti yoluyla davranan Halebli Şeyh Hüseyin-zâde Mûsâ Efendi'ye tevcîh olundu.