Sâbıkā silâhdâr-ı hazret-i şehriyârî olup ber-vech-i tekāʿüd hânesinde bisât-ârâ-yı ikāmet ve zânû-zede-i çâr bâliş-i zevk ü râhat olan Halîl Ağa'nın kuvvet-ı mâliyye ve bedeniyyesi hasebiyle sullem-i vezârete isʿâd ve mutasarrıf olacağı eyâlât ve elviyede mühim-sâz-ı ibâd olması taraf-ı mülûkâneden istisvâb olduğuna binâen işbu şehr-i Zilkaʿdetüş-şerîfenin yirmidördüncü perşembe günü şeref-yafte-i sudûr olan hatt-ı hümâyûn-ı cihân-mutāʿ mûcibince mûmâ-ileyh rütbe-i vâlâ-yı vezâret tevcîh ve inâyet buyuruldu.