Sâbıkā İnebahtı muhâfızı olan Vezîr Elhâc Mustafa Paşa hakkında şefekat-ı mülûkâne erzânî buyurulup şehr-i mezkûrun onbirinci günü eyâlet-ı Halebü'ş-şehbâ ile mahsûdü'l-akrân ve eyâlet-ı Adana ber-vech-i hass Özi muhâfızı Vezîr Çerkes Hasan Paşa'ya tevcîh olunup taʿyîn olunan şehriyesi mâh be-mâh mütesellim tarafından müşârün-ileyh cânibine irsâl olunmak emr ü fermân ve İçel sancağı Vezîr Nasuh Paşa'ya ve Trabzon eyâleti mîrimîrândan Şâhin-zâde Mustafa Paşa'ya (223-b) ve Niğde sancağı mîr-hacc-ı sâbık Derviş Mehmed Paşa'ya ve İnebahtı sâbıkā Tırhala mutasarrıfı Vezîr Arslan Mehmed Paşa'ya ve Tırhala sâbıkā Hotin muhâfızı olup mîrimîrân-ı kirâmdan Güğeci Ali Paşa-zâde İsmail Paşa'ya ihsân olundu.