Varnalı-zâde Selim Ağa'dan mukaddem topcu-başı olan Mehmed Ağa'nın ağalığı hengâmında avâm-pesend olan hareketi ve zabt u rabt-ı neferâtda zuhûr eden hizmeti kemâkân topcu-başı olmasının sebeb ü illeti olup binâenaleyh işbu şehr-i mezkûrun yirmialtıncı sebt günü mûmâ-ileyhe topcu-başılık tevcîh ve selefi Ali Ağa'nın vakti mütemâdî olmadığı hasebiyle haysiyyet ve mâhiyyeti tecrübe olunamayup bî-behre ve nasb-ı ocak-ı mezkûrdan tecnîb olunması lâyık-ı şân-ı devlet olmadığına binâen yevm-i mezkûrda mûmâ-ileyh dahi kapucu-başılık ile tatyîb olundu.