Topcu-başı olan Ali Ağa'nın câ-be-câ sür'atciyân zümresine top ta'lîm etdirmek muktezâ-yı me'mûriyyeti iken nişângâha gülle isâbet etdiren neferâta bahşiş vermek gāilesinden firâr ile âdeti terk eylediğinden gayri Beykoz'da vâki' olan düğünde sür'atciyân neferâtından ba'zıları hâzır bulunup kendülere muhtass olan beyaz fesi rakkasların başlarına müşâhede ile îkād-ı nâire-i şûr u şağab ve ref' ü nez'ini irâde ve taleb eylediklerinde Beykoz ahâlisinden ba'zı (221-a) hevâ-perestler mâni' ve bu sebeble tarafeyn meyânında mücâdele ve muhârebe vâki' olduğu adem-i zabt u rabtına mahmûl kılınup der-akab azl ve ocak kethüdâsı diğer Ali Ağa yerine vasl olundu.