Derviş Paşa merhûmun sadâretinde haslar mukātaʿacılığı pâyesiyle zümre-i hâcegân-ı Dîvân-ı hümâyûn'a mülhak olup sadrıazam-ı vakt صانه الله عن المقت hazretlerinin mahdûm-ı necâbet-lüzûmları olan Esseyyid Atâullah Beyefendi'nin bu esnâda kevkeb-i ikbâli lemeʿân ve münâvebe mansıblarının enfaʿ ve kesîrü'l-cedvâsı ve hâcegân-ı dîvânın nihâyet maksud u münâsı olan cizye muhâsebesi mansıbiyle devha-i âmâli muhaddar ve reyyân olup doksandokuz tevcîhâtında mansıb-ı mezkûru zabt etmek üzere şehr-i mezkûrun yirmibeşinci cumʿa günü mîr-i mûmâ-ileyhe ilbâs-ı hilʿat ve yedine ru'ûs-ı hümâyûn i'tâ ve inâyet ve sadrıazam-ı müşârün-ileyh hazretlerinin hazînedârlık hizmetleriyle müstahdem ve merâtib-i Devlet-i aliyye'ye liyâkati müsellem olan Ağa ve Bağdad ve Şam kapu kethüdâsı Halebli-zâde Ahmed Ağa kapucu başılık ile çerağ ve ihyâ buyuruldu. (199-a)