Bundan akdem müceddeden binâsına irâde-i aliyye ta'alluk eden kalyonlardan «Bed'-i nusret» nâmiyle müsemmâ kırkbeş zirâ bir kıta kalyon Tersâne-i âmire'de kurulup bu esnâda hitâma resîde olduğu rikâb-ı kâmyâb-ı mülûkâneye arz olunmuşidi. İşbu şehr-i merkūmun yirmidördüncü perşembe günü kalyon-ı mezkûrun deryâya indirilmesiyçün sadrıazam (198-b) ve şeyhülislâm ve kapudan paşa hazerâtı Tersâne-i âmire'de müctemi' olup şehriyâr-ı sutûde-âsâr hazretleri dahi teşrîf buyurmalariyle ihtiyâr olunan vakt-i mes'ûd hulûlünde بسم الله مجربها و مرسيها âyeti tilâvet olunarak kal- yon-ı mezkûr deryâya indirilüp müşârün-ileyhim hazerâtı semmûr kürkler ile mükerrem ve ricâl-i tersâne hil'atler ile şâd ve hurrem oldular.