Mûmâ-ileyhin seferler esnâsında kâr-güzârlığı (198-a) yâd-âver-i nâm-ı eslâf ve bâ-husûs ağalığı vaktinde mahmûl-i dûş-i gayreti kılınan umûru bir vefk-i dil-hâh-ı devlet rü'yet etdiği ma'lûm-ı erbâb-ı insâf olduğundan gayri nâsiye-i hâlinde envâr-ı liyâkat bedîdâr ve zât-ı sadâkat-simâtmda cevher-i isti'dâd âşikâr olup bu kābiliyyet ve istihkāk ile bir zamân ağalıkda devâm ve istihdâmı me'mûl iken zikr olunan hüsn-i fi'âl ta'rîf-i ma'kûs-ı hasm ile münkalib-i sû'-i hâl ve mûcib-i def ü istiskāl olup lâ-cerem ağalıkdan ma'zûl ve nefy u tard hakāretiyle mahzûl olmuşidi. Ağa-yi mûmâ-ileyhin hakkında tefevvüh olunan kelâm-ı gayr-i maʿkūl garaz u nefsâniyyete mahmûl ve mağdûr ve mazlûm olduğu sâmi'a-i hümâyûna mevsûl olduğuna binâen derhal hakkında sehâb-ı midrâr-ı şefekat-i mülûkâne katre-rîz olup şimdilik iki tuğ ihsâniyle mezraʿa-i âmâli tartîb ve Silistre seraskeri maʿiyyetine taʿyîn ve tesrîb buyuruldu.