Birkaç gün mukaddem kethüdâ kâtibi nasb olunan Reşid Mustafa Efendi'nin tabiʿatı fesâd üzere mecbûl ve etvâr u reftârı gayr-i makbûl olduğu sâmia-i hümâyûna mevsûl olup bu makūle mefsedet-pîşenin Bâbıâlî'de vücûdu muzırr olduğuna binâen azl olunup müddet-i medîdeden berü Dîvân-ı hümâyûn'da çavuş-başılara kisedâr ve hüsn-i sülûk ve reviyyeti bedîdâr olan Ömer Sâhib Efendi şehr-ı mezkûrun onbirinci cumʿa günü kethüdâ bey kitâbeti ile mesrûr ve üzerinde olan Haremeyn mukātaʿacılığı ile bundan akdem Davud Paşa binâ emîni (195-b) olan yazıcı-ı esbak Mustafa Efendi manzûr oldu.