Mîr-i mûmâ-ileyhin birkaç seneden berü Darbhâne-i (190-b) âmire gibi kesîrü'l-cedvâ bir mansıbı mütevâliyen zabt etmesi isâbet-i ʿayne'l-kemâle illet ve bâ-husûs sadr-ı maktûl ile beynlerinde olan iltihâm-ı musâheret kendüye mûris-i idbâr ü nekbet olup bu takrîb ile bedr-i ziyâ-küster-i ikbâli hilâl ve kevkeb-i dirahşân-ı iʿtibârı giriftâr-ı ukde-i vebâl olmağla emânet-i mezkûre ile evkāf-ı hümâyûn kā'im-makāmlığı yevm-i mezkûrda üzerinden refʿ ve Anadolu muhâsebecisi olup mutasallib ü dîndâr ve mütedeyyin ü perhîzkâr olan Mehmed Efendi'ye tevcîh olunup fakat sultân-ı aliyyetü'ş-şân kethüdâlığı mîr-i mûmâ-ileyhe ibkā ve istikāmet üzere hizmet etmesi vesâyâsı kethüdâ bey hazretleri tarafından gûş-i hûşine ilkā ve Anadolu muhâsebesi hilʿati sâbıkā matbah emîni olan Penâh Süleyman Efendi'ye iksâ olundu.