Kethüdâ bey kâtibi olan Numân Bey'in tahsîl-i avâid ve zavâidde misli nâ-yâb olduğundan hizmet-i mezkûrede bir müddet istihdâm ve kibr ü nahveti iktizâsiyle harâb-sâz-ı bünyân-ı âlem olan şahısdan gayrı bir ferde serfürû etmeyüp başlı-başına bir merd-i müteʿazzim ve hod-kâm olduğundan gayrı kapu kethüdâlarını nîş-ı âzâr ile dil-rîş ve erbâb-ı masâlihi nâhûn-ı tavr-ı cevr ile tahdîş edüp dâ'ire-i maʿîşeti selb ü celb ile tevsîʿ ve bünyân-ı servetini nehb ü gasb ile refîʿ eylediğinden başka nice umûra tasaddî birle itâle-i dest-i taʿaddî eylediği vâsıl-ı sâmiʿa-i evliyâ-yı naʿmâ olduğundan kitâbetden azl olunup muʿtedil ve munsıf ve hâric ez-hadd hareketden müstenkif olan Çelebi Mustafa Efendi şehr-i merkūmun ikinci çarşamba günü mükerreren kethüdâ bey kâtibi nasb olundu.