Sen ki kapudan-ı deryâ ve kāimimakām-ı sadâret-i uzmâ vezîrim Gāzi Hasan Paşasın seni selâm-ı selâmet-encâm-ı dâverânemle teşrîfden sonra maʿlûm ola ki bu defʿa ihrâc olunan kapum kulları mevâciblerinin tevzîʿi münâsebeti ile mahzâ avârif-i behiyye-i dâverânemden nâşî taltîfen hassa kürklerimden sana bir sevb-i semmûr-ı mûrisü's-sürûr ve bir kabza murassaʿ hançer ihsân-ı hümâyûnum olup kiler kethüdâsı ağa kulumla irsâl olunmuşdur. İmdî göreyim seni sadrıaʿzamım vürûduna dek umûr-ı devletimi sâdıkāne rü'yet emrinde bezl-i mechûd edesin cenâb-ı hazret-i Rabbü'l-izzet sana ve seninle bile sadâkat edenlere dâreynde muʿîn ola, âmîn.