Birkaç gün mukaddem zikr olunduğu üzere mevâcib ihrâc olunup kable'd-devr Sadrıazam Halil Paşa maʿzûl ve kapudan paşa hazretleri kāimimakamlık câh-ı bülendiyle nâil-i eʿazz-ı meʾmûl olmakdan nâşî ber-muʿtâd-ı kadîm teşrîfât-ı hümâyûn vürûdunu baʿzı nâs ümîd ve baʿzısı tebʿîd eder iken işbu yevm-i sebt kānûn üzere devr vukūʿ bulup akabinde hatt-ı hümâyûn-ı şevket-makrûn mashûb-ı teşrîfât-ı seniyye-i hüsrevâne ile müşârün- ileyh hazretleri hâiz-i rehîne-i iftihâr ve şeref-sudûr olan hatt-ı kerâmet-medârın sûreti işbu mecelle-i vekāyiʿa sebt ile tezyîn-i ruhsâre-i âsâr kılındı.