Hâlâ İsmail cânibi seraskeri ve Rumeli vâlisi olan Vezîr Abdi Paşa'nın Sofya'ya ve Sofya seraskeri ve Anadolu vâlisi olan Vezîr İsmail Paşa'nın İsmail'e nakli mukaddemâ tasmîm olunup vakti geldikde mahalleri tebdîl olunmak irâde buyurulmuşidi. Yevm-i mezkûrda ber-minvâl-i muharrer Abdi Paşa Sofya'ya ve İsmail Paşa İsmail'e el-yevm üzerlerinde olan mansıblarının ibkāsıyle serasker nasb olunup Silistre seraskeri Vezîr Bekir Paşa'dan dahi me'mûr olduğu hatab-ı cesîmde lede'l-lüzûm hidemât-ı mebrûre rûnümâ olmayacağı bi'l-ihtiyâr mahsûs ve ma'lum olup binâen-aleyh müşârün-ileyh Silistre seraskerliğinden azl olunup Vidin muhâfazasına taʿyîn ve Vidin muhâfızı olan Vezîr Esseyyid Ahmed Paşa'ya Özi eyâleti tevcîh olunup Silistre seraskerliğiyle dahi menşûr-ı iʿtibârı tahliye ve tezyîn olundu. (162-a).