Eyyâm-ı sayf hükmünü icrâ ve mevsim-i harîf duhûliyle havâlarda âsâr-ı bürûdet rû-nümâ ve bu sebeble derûn-ı ilhâm-meşhûn-ı (V128-a) hazret-i hilâfet-penâhîden nakl ve tebdîl-i mekân hâletleri cilveger ve hüveydâ olmağla binâen-aleyh işbu mâh-ı Zilka'denin beşinci pazartesi günü, [Mısra:] Eyledi bir burca tahvîl âfitâb mefhûmu üzere sâhil-saray-ı Beşiktaş'dan kemâl-i câh ü ikbâl ile hareket saray-ı dil-ârâ-yı âmireyi kudûm-ı mekârim-lüzûm-ı şâhâneleriyle mehbit-i envâr-ı saʿâdet eylediler.