Bir müddetden berü Âsitâne-i saʿâdet'de harîkin adem-i zuhûru kâf- fe-i nâsın mûcib-i râhat ve sürûru olmuşiken, isâbet-i ayni'l-kemâl ile işbu Ramazân-ı şerîfin ondokuzuncu yevm-i hamîs sâʿat dört buçukda iken Kiremit mahallesinde vâkiʿ bir hâneden âteş zuhûr edüp şiddet-i (V117-a) rûzgâr takrîbiyle fi'l-hâl etrâfa şerâre-pâş intișâr olup itfâsına me'mûr olanların inʿâm u ikdâm ve iğrâ vü ihtimâmda zerreten-mâ kusûrları vâkiʿ olmamış iken bi-hükmi lâ muredde li-kadâʾillâhi teʿâlâ saʿy ü kûşişin aslâ fâʾidesi olmayup yirmiyedi sâʿat kadar temâdî kabûliyle çeb ü râsında vâkiʿ büyût ve dekâkîn ve emâkin-i kesîreyi sûzân ve hâce-i bender-gâh-ı servet geçinen nice kimesneleri bî-ser ü sâmân edüp bilâhire imdâd-ı sehâb-ı midrâr-ı feyz-i Bârî ve te'sîr-i duʿâ-yı tâcdârî ile muntafî ve kulûb-ı nâsda hâsıl olan hafakān ve ıztırâb zâʾil ve muntafî oldu.