Sâhil-i bahrde vâkiʿ kusûr-ı bî-kusûr-ı şâhâneden kasr-ı Bebek taʿmîri sadrıazama emr-i hümâyûnları sudûr etmekle dil-hâh-ı hümâyûn üzere ihtimâmı müyesser olmağla makbûl olduğu müʾeyyed hatt-ı hümâyûna mashûb ve bir mücevher sâʿat-i zî-kıymet kısteyn mevâcibi tevzîʿ olunur iken, has oda-başı ağa ile şeref-resân-ı vürûd ve der-akab taraf-ı âsafîden hutuvât-ı taʿzîm ile istikbâl olunup resânende-i tensukāt-ı şehriyârîye üç bin beş yüz guruş iʿtā ve teşekkürü hâvî takrîr-i âsafî ile iʿâde ve isrâ olundu.