Tavâʾif-i askeriyyenin müstahikk oldukları kısteyn mevâcibleri vaktiyle cemʿ olunup işbu Şaʿbânü'l-muʿazzamın onsekizinci salı günü tertîb-i dîvân olunup Kubbe altı'nda ocaklara tevzîʿ ve taksîm ve mâh-ı merkūmun yirmiüçüncü pazar günü ber-vech-i muʿtâd sarây-ı âsafîde devr olunacak hengâmda silâhdâr vesâtatiyle taraf-ı zâhirü'ş-şeref-i mülûkâneden teşrîfât-ı hümâyûna mashûb hatt-ı hümâyûn-ı mevhibet-makrûn şeref-rîz-i vürûd ve alâ-melei'n-nâs kırâʾat olunup duʿâ-yı bekā-yı ömr-i devlet-i pâdişâhî peyveste-i târum-ı çarh-i kebûd kılındı.