Doksan sekiz senesi Muharreminden zabt eylemek üzere bundan akdem Medîne-i Münevvere kazâsiyle ibcâl ve cânib-i Hicâz[a] cemmâze-keş-i is- ti'câl olan mevâli-i kirâmdan Hifzî-zâde Mustafa Efendi müddet-i örfiyye-sini kable'l-ikmâl dâr-ı âhiret'e intikal eylediği haberi bu esnâda resîde-i atebe-i adâlet-iştimâl olduğuna binâen yine doksansekiz senesi Muharreminden zabt ve yevm-i nasbından azli muʿteber olmak şart kılınarak sâbıkā Şam-ı şerîf kādısı Ağa-zâde Abdurrahman Efendi'ye bâ-işâret-i aliyye kazâ-i mezkûr tevcîh ve ihsân ve zuhûrât nevʿinden olan takaddüm ile efendi-i mûmâ-ileyh mahsûd-ı emsâl ve akrân olup Âsitâne-i saʿâdet'den bir an akdem fekk-i tınâb-ı ikāmet ve sûy-i dilcûy-i Tayyibe-i tayyibeye matiyye-rân-ı müsâraʿat olması fermân olundu.