Zikr olunan Prezen adası Özi kalasının kilidi ve belki ekser mahallin (94-a) sedd-i sedîdi olmakdan nâşî muhâfazası her bâr lâzıme-i hâlden olmağla binâen-aleyh kapusu halkından mâʿadâ yetmiş nefer tâmmü's-silâh piyâde ile inşâ-Allahü teʿâlâ evvel bahar-ı huceste âsârda varup ada-i mezkûreyi muhâfaza etmek şartiyle sabıkā Akşehir mutasarrıfı olan mîrimîrân-ı kirâmdan İsmail Paşa'ya işbu Saferü'l-hayr'ın beşinci günü avâtıf-ı aliyye-i hazret-i şehinşâhîden Kocaeli sancağı tevcîh ve ihsân ve ol bâbda ısdâr-ı emr-i celîlü'ş-şân kılındı.